Qëkur pajisjet celulare u bënë mjeti kryesor i kontaktit për njerëzit, duket se nuk ekziston asnjë kufi për të ndarë telefonin nga duart në ditët e sotme, duke përfshirë këtu dhe banjën.

Shumë njerëz e përdorin atë si një mundësi për të kontrolluar rrjetet sociale, për t’ju përgjigjur email-eve dhe shumë më rrallë për t’iu përgjigjur telefonatave. Smartphone-ët dhe adoleshtentët janë bërë tashmë një çift i pandashëm dhe nuk mund të shkëputen nga njëri-tjetri. 15-vjeçares Irina Rybnikova e cila mbante gjithmonë me vete celularin i ka kushtuar jetën.

Vajza kishte vendosur në karikim telefonin në tualet teksa po bënte dush në vaskën e saj. Por ka qenë fatal momenti kur ai ka rrëshqitur në vaskë dhe elektriciteti i ka marrë jetën. Ajo humbi jetën në shtëpinë e saj në Bratsk të Rusisë. Irina ishte kampione e një sporti luftarak që praktikohej në Greqinë e Lashtë, i quajtur PANKRATION. Ajo kishte fituar kampionatin rus dhe ëndërronte të bëhej një kampione bote. Miqtë e 15-vjeçares janë shprehur se janë të shokuar nga kjo ngjarje dhe zemra e tyre është e thyer. Nëse telefoni nuk do të kishte qenë i lidhur me rrymën elektrike tragjedia nuk do të kishte ndodhur janë shprehur familjarët.